五月六月就係考試季節，小一嘅芊芊將面臨第一次考試。
回想細個嘅自己，第一次考試完全唔知發生咩事，只記得媽咪叫我温書，
但咩叫温書？
點温先叫識？
讀10次定抄5次好啲？
點樣温書呢個課題，我由小一開始探索到大學
直到上cognitive psychology + developmental psychology嘅時候，
認識到唔同嘅學習傾向/記憶方法，
加上工作上認識好多老師同教育心理學家，
於是不停嘗試喺小朋友身上。
當然，每個小朋友都係獨特，同一個方法未必適合所有人。
不過我想分享吓自己覺得幾有成效嘅小技巧 (之後會再詳細分享唔同嘅温書方法，大家可以同小朋友實驗吓)
芊芊五月尾考試，英文係佢嘅強項，
但今次個考試範圍實在太大....
串生字加grammar，
而grammar 有接近20個主題!!!!!!!!!!
無可否認，温書係一件痛苦嘅事情，
無論係對大人定小朋友，
幾motivated 嘅人都好，要坐定係度背啲咁無趣嘅嘢，
一定好唔願意啦！
但如果....
將温習變成遊戲呢？
因應小朋友嘅學習傾向而揾個合適嘅温書方法呢？(學習傾向大致分三類，之後再分享)
芊芊係視覺+聽覺型小朋友，
如果將啲複雜概念用好繽紛嘅筆畫出嚟，
貼滿當眼位置，佢係好入腦。
而grammar，
Pronoun adj comparative adj verb to be verb to have noun collective noun synonyms conjunction adverb preposition...
隨口噏都十幾樣。
大人都可能迷失咗唔知點温
既然係咁，我將考試嘅topic寫成一本簡單小册子:
每頁半張A4紙，方便隨身攜帶，得閒攞出嚟望吓，
每頁係一個主題，將主題嘅重點用顏色筆畫出嚟。
咁樣就好清晰grammar有邊啲重點要記住啦
配合埋詳細啲嘅Anchor Chart, 有咩唔明可以睇返，芊芊覺得易記好多！
