Weekend電視做「100天後會死的鱷魚」，由於之前我哋成日睇呢本書，兩位小朋友睇得非常入神。
故事好平淡，就係描述鱷魚死之前100日，每日做嘅事，好簡單但不斷提醒我同兩位小朋友….
珍惜同家人朋友一齊嘅時間
遇到愛嘅人請講出口
把握機會做自己想做嘅事
善待他人
有日細佬話: 媽咪，我想上天堂。
我: 點解嘅？
細佬: 我想睇吓天堂係點，當有日盈盈樂樂(小狗們)上咗去，我都知道佢哋喺邊度。
我: 天堂係點都唔重要，我只知道，佢哋上咗天堂我就見唔到佢哋，會好傷心，所以我哋盡力愛錫佢哋，留一個好回憶喺心入面就好了。
呢本四格漫畫用淺白易明嘅方式探討生命嘅意義，值得推介
