你哋同小朋友有冇 “in-joke”? 即係只得你哋自己先會明，先會識笑果啲呢...
每次芊芊話，”好悶啊媽咪！”，
我會答佢，”咁你揾隻火雞呃佢食嘢啦！”
佢就會笑到流眼淚 (雖然講過10次，不過每次都會爆笑一陣)
今次想介紹一本，無大道理無寓意無特別劇情無高低起伏又無聊嘅繪本 - 咩咩羊的聰明丸
故事係話羊咩好無聊，見到有隻火雞行過，就話請佢食聰明丸，但其實係.... 小朋友最鍾意講嘅 “便便”啊
以前講故事，我會好有目的性地揀啲有寓意有道理講嘅書，忽略咗幽默感嘅元素。
有時候講故事可以單純地為咗笑一餐，
正如我都好鐘意睇無聊嘅笑話同IQ題。
呢本咩咩羊的聰明丸揀咗小朋友最愛嘅”便便”做題材，基本上小朋友望到堆聰明丸都已經會笑，
加上羊仔嘅無聊，充滿鬼主意嘅表情，配上火雞由好奇變到好嬲嘅神情，成本書都好有幽默感
想輕鬆咁笑一下去面對眼前嘅叩門試/準備開學緊張嘅心情，可以買本笑下
