The Swap 繪本
當為屋企個小朋友添加咗弟弟/妹妹嘅時候，
我相信每位家長都希望佢哋可以和平共處，相親相愛，
讓呢位大哥哥/大姐姐愛錫呢位新成員。
不過，好多時故事都並非咁簡單
會爭寵，會呷醋，會襯無人發現嘅時候搣吓弟妹，會互相告狀等等，
最頭痛嘅一定係要做和事佬嘅爸爸媽媽。
呢本故事書好適合家長同哥哥/家姐一齊睇，
因為主角小鱷魚屋企多咗個弟弟之後，
佢覺得好煩。
媽媽成日要抱住佢，換尿片，連去玩都要照顧呢個小弟弟，真係好唔開心，好想換走佢啊！
小朋友睇到呢度一定覺得好有共鳴，
大家都會有嫌弟妹煩嘅時候，都好想換走佢！
而小鱷魚點樣換走弟弟呢？
換走之後又發生啲咩事呢？
作者 Jan Ormerod係澳洲好出名嘅童書作者同插畫家，
故事簡單易明，從小朋友角度出發，好易產生共鳴，
加上畫風可愛，非常吸引小朋友呢！
本產品不包郵。
