我成日都同家姐講，做人最緊要夠八卦！
咩都去睇吓問吓八卦吓。
雖然有時真係答到頭痛，不過好多時佢嘅問題都好有趣味性 包括:
點解魚嘅屎唔臭？
點解唔同國家嘅人眼珠唔同色，但動物又一樣？
點解蚊同曱甴咁衰，天主都要做佢出嚟？
點解有啲動物有鼻屎，有啲無？
人可以摸到心跳，魚又得唔得？
點解怕羞草會怕羞？
機械人有感情嘅話，係咪就同人一樣？
點解鴨可以浮係水面但佢對腳可以唔郁？
點解雀可一路飛一路痾屎？
點解人長大咗會辛苦啲？
由科學話題探討到哲學性題材，當中好多我都唔識答，唯有一齊揾答案。呢幾年嚟我嘅冷知識豐富咗好多倍，都係因為生咗個好八卦嘅女。
我相信”好奇心”係每個小朋友天生都有，不過過度壓迫嘅學習環境就會慢慢磨蝕呢份好奇心，
我覺得要小朋友保持住個learning to learn 嘅能力係幼教最大嘅目標，
令小朋友帶住learning to learn嘅心態成長，主動學習。
