圖書推介 - 如果家有超級車迷的話....
“媽咪呢架搞搞吓嘅車叫咩？” “呢架有得畢又叫咩？” “呢架可以倒嘢架，叫咩名呢？”
未生阿仔之前，我只係叫佢哋做工程車
我屋企個車迷特別鐘情工程車，著迷程度係每日都要落去樓下個地盤度潮拜一下。
媽咪最愛投其所好，google學工程車名同功用，
再買埋堆工程車玩具返嚟同細佬一齊學習研究，希望佢覺得我融入佢個世界:
可以用車嘅語言同佢溝通，
可以教佢關於車嘅知識，
同埋最重要係對佢鐘意嘅嘢有興趣。
親子關係大概就係咁樣建立吧
我發現到一套書好適合初級車迷:
Busy wheels
一套8本，每本講一種車嘅故事，
最後兩頁分別係介紹車嘅部份同埋其他車嘅名稱，
所以睇完8本書之後，會增加咗爸媽對車嘅認識。
加上故事有趣，圖畫可愛得意，值得買套俾小車迷們
