有咩遊戲可以令四歲半小朋友10分鐘做80題數學？做完仲好興奮追你俾多d佢做？
H: 你整咩啊？
我: 今日農場班狗話要比賽跑步，贏左可以食曬樂樂d狗糧，我整緊個看台俾觀眾入場啊！
H: (笑得歡樂表現雀躍)好啊好啊，我做收飛既職員，帶班觀眾坐好！
(搞完一輪)
H: 跟住呢跟住呢？要點比賽架？(見到佢甘入戲，我都好投入)
我: 好，麻煩你做訓練員，帶阿麥，寶珠，雄雞佢地去起點準備好，你要提佢地守規矩架！
H: 哈哈 Pet Pet當家比賽啊，好搞笑啊媽咪
我: 準備好未？聽住規則喎選手們，芊小姐計數後會發號施令，話俾你地知邊個可以跑一步，最快到終點就贏啦！
H: 我可以開始計數未啊？好緊張啊
(計既途中，我配合誇張既打氣聲，狗吠聲，結果，10分鐘計完80題，然後叫我繼續...)
為增加好奇心，我尋日同芊芊講，媽咪準備左個pet pet當家運動會既計數遊戲 聽日同你玩！
然後今日食完sushi，我話不如去行下先，芊芊竟然話，我地快d返去玩計數啦，好心急
有媽媽朋友PM我，話小朋友唔肯玩遊戲點好。其實我覺得同小朋友玩同做戲一樣 都係由內到外再到返內，要配合故事舖排，聲線，裝扮。而最重要係，媽咪要將自己變返小朋友，全情投入個遊戲。細心觀察小朋友近排鐘意咩，用返佢地既”潮語”，甘就好開心架啦
