要同小朋友討論失去，分離，疾病，殘疾，衰老同死亡係唔容易。
我覺得困難嘅其中一個原因係，
我哋自己都唔識得去處理。
點同小朋友解釋死亡？離婚？失去？
更重要係，呢啲事件帶出嚟嘅情緒，
我哋又應該點去處理好？
呢一套9本嘅故事書，正正就幫到大人去同小朋友解釋呢類咁難以解釋嘅問題。
每一個故事主題都看似嚴肅沉重，寵物死亡，長輩失憶，失去心愛嘅嘢，甚至乎父母離婚。
但每一個主題都用温暖窩心嘅故事道出，教導小朋友處理情緒，換轉思維同角度思考問題。
每次同小朋友講嘅時候，都好想知道個結局係點，好想知道，一個悲傷嘅事件，點樣可以換個正面角度去面對。
9本故事包括:
Inseparable - 分離
來自英國，美國，法國，意大利，西班牙，荷蘭，澳洲嘅15位出色作家為孩子準備嘅生命教育繪本，幫助孩子用正面嘅態度面對生命中遇到嘅事情，學習處理悲傷，換個角度思考問題。
